Logo

सेलिब्रेटी डा.सन्तोष खुल्ला राजनीतिमा प्रवेश ‘डाक्टर पेशा हो, राजनीति सेवा’
नेपाली कांग्रेस १४ औँ महाधिवेशनमा खुल्लातर्फका महाधिवेशन प्रतिनिधिका उम्मेदवार

डाक्साब
सोमवार, मंसिर ६, २०७८ मा प्रकाशित

यतिबेला चिकित्सकलाई चुनाव लागेको छ । अधिकांश चिकित्सकलाई नेपाल मेडिकल काउन्सिलको चुनाव लागेपनि सेलिब्रेटी चिकित्सक डा. सन्तोष उपाध्याय भने पार्टीको राजनीतिमा व्यस्त हुनुहुन्छ । स्वास्थ्य सेवामा सक्रिय डा उपाध्याय नेपाल कांग्रेसको १४ औँ महाधिवेशनमा महाधिवेशन प्रतिनिधिका लागि चुनावी मैदानमा हुनुहुन्छ ।

२०१९ मा मिस्टर नेपाल, २०२० मा मिस्टर सुपरस्टार साथै २०२१ मा सुपइन्टरनेश्नलमा थर्ड रनरअप हुनुभएका डा उपाध्यायले अछामको क्षेत्र न २ बाट महाधिवेशन प्रतिनिधिमा उम्मेदवारी दिनुभएको छ ।  डा उपाध्यायले चुनौतीपूर्ण राजनीतिलाई दोष देखाएर मात्रै परिवर्तन ल्याउन नसकिने देखेरै राजनीतिमा लागेको बताउनु हुन्छ ।

डा उपाध्याय भन्नुहुन्छ, आफ्नो गाउँ, जिल्ला राम्रो बनायो भने मात्रै देश राम्रो हुन्छ भन्ने कुरामा आफू स्पष्ट भएकाले गाउँबाट राजनीति सुरु गरेको हुँ । समाजवादको सिद्धान्तनै नेपाली समाजका लागि योग्य सिद्धान्त भएकाले आफू नेपाली कांग्रेस पार्टीबाट राजनीति गर्न लागेको हुँ, नेपालमा पार्टीको नाममा मात्रै फरक हुन्, सार सबैको उद्देश्य र वास्तविकतामा त्यति फरक छैन । समाज सुधारका लागि कुन पार्टी भन्नेले त्यति फरक पार्दैन ।

म जहाँ हुर्किएपनि मेरो धरातल अछाम नै हो । एमबिबिएसको अध्ययन सकिएपछि मैले सेवा सुरु गरेको नै अछामको कमलबजार स्थित स्वास्थ्य केन्द्रबाट हो । यहाँको आवश्यकता हेरेर २ विद्यालयमा पुस्तकालय स्थापना, गाउँ ठाँउमा शिविर संचालन, जिल्ला अस्पताललाई फोटोथेरापी मेसिन उपलब्ध गराउने काम देखि कोरोनाको बेला अक्सिजन कन्सन्टेटर उपलब्ध गराउने जस्ता काम गरेको थिए । यसरी काम गर्दा  त्यहाँ काम गर्दा समाजको स्वास्थ्य अवस्था मात्रै होइन, राजनीतिक अवस्था पनि बुझ्ने अवसर पाइयो । यहाँ भेटिएका हरेक मानिस राजनीतिक खेलबाट कतै न कतै प्रभावित छन्, उनीहरूले भोगिरहेका सामाजिक समस्याहरूका कारण कतै न कतै राजनीति पनि हो । तर सामान्य नागरिकलाई राज्य भएको अनुभुति गराउने त राजनीतिले नै हो तर यहाँ त्यस्तै भैरहेको छैन । यि कुराहरूले आफूलाई चिकित्सा पेशामा मात्रै सीमित राखेर समाधान हुने वा सहयोग पुग्ने देखिएन ।

हामीले राजनीतिलाई सधैँ सीमित व्यक्तिको जिम्मा लगाएर छोडियो भने राजनीतिमा पनि सुधार आउँदैन । त्यसैले उमेरमा नै राजनीतिमा प्रवेश गरेको हुँ ।

राजनीति आजको भोलि परिवर्तन हुने कुरा होइन, यसले आफ्नो गति अवश्य लिन्छ तर त्यसका लागि पृष्ठभूमि दरो बनाउनु पर्छ  । पृष्ठभूमि भनेको नागरिकहरूको जीवनस्तर सुधार, आधारभुत सेवाहरूको पुर्ण प्रत्याभूति नै हो । अछामबाट राजनीति सुरु गर्नुको अर्को कारण यहाँ भूगोल र परिवेश मैले बुझेको छु । त्यसैले यहाँ नागरिकको जीवन स्तर सुधार गर्नका लागि नयाँ पुस्ताको राजनीति आवश्यक छ ।

चिकित्सा आफ्नो मुख्य पेशा हो, राजनीति सेवा हो । पेशाबाट मैले धेरैलाई स्वास्थ्य सेवा दिन सक्छु, त्यसबाहेक राजनीतिबाट सामाजिक चेत मात्रै होइन, नीर्णायक तहमै पुगेर नीतिगत सुधार गर्नु छ ।

राजनीति मेरा लागि नयाँ हो, पार्टीको निर्वाचन कस्तो हुन्छ भन्ने कुरा सिक्दै छु । महाधिवेशनमा आउने चुनौती र चुनावी नतिजालाई स्विकार गरेर अघि बढ्ने बताउने डा उपाध्यायको अठोट  छ ।


लोकप्रिय

ताजा अप्डेट
ट्रेंडिंग